Cyflwyniad a chyrhaeddiad y rhaglen
Metrigau allweddol
Cyrhaeddiad daearyddol
Mae nifer yr ysgolion cynradd ac uwchradd y buom yn gweithio gyda nhw yng Nghanolbarth De Cymru a De-orllewin a Chanolbarth Cymru yn gynrychioliadol yn fras o nifer yr ysgolion yn y rhanbarthau hynny.
Yn gyfrannol, gwelsom nifer lai o ysgolion yng Ngogledd Cymru yn cymryd rhan yn y rhaglen, a nifer uwch yn Ne-ddwyrain Cymru.
Dosbarthiad Rhanbarthol: Canran yr Ysgolion sy'n Cymryd Rhan o'i gymharu â Chanran yr Holl Ysgolion yng Nghymru
Demograffeg a chynrychiolaeth dysgwyr
Oedran y dysgwyr
Roedd dros dri chwarter o'r dysgwyr y buom yn gweithio gyda nhw rhwng 9 a 14 oed, gyda blynyddoedd ysgol 5-8 yn fwyaf poblogaidd i gyflwyno'r rhaglen.
Mae adborth ein hathrawon yn dangos bod y rhaglen fwyaf poblogaidd yn y band oedran hwn oherwydd bod y cyd-fyndiad mwyaf â Chwricwlwm Cymru. Mae mwy o hyblygrwydd yn y cwricwlwm hefyd ar y cam hwn i gyflwyno addysg ddemocrataidd.
Nifer y Dysgwyr a Weithiwyd Gyda Hwy yn ôl Grŵp Blwyddyn
Prydau ysgol am ddim
Roedd canran gyfartalog y dysgwyr sy'n derbyn Prydau Ysgol am Ddim yn yr ysgolion cynradd y buom yn gweithio gyda nhw 5 pwynt canran yn uwch na'r cyfartaledd cenedlaethol, ac ar gyfer ysgolion uwchradd roedd y cyfartaledd 4 pwynt canran yn is na'r cyfartaledd cenedlaethol.
Canran Gyfartalog y Dysgwyr sy'n Derbyn Prydau Ysgol Am Ddim
Dysgwyr Du, Asiaidd a lleiafrifoedd ethnig
Roedd nifer cyfartalog y dysgwyr BAME yn yr ysgolion cynradd y buom yn gweithio gyda nhw yn 22%; mae hyn yn uwch na'r cyfartaledd cenedlaethol o 15%. Ar gyfer ysgolion uwchradd y buom yn gweithio gyda nhw, roedd y nifer cyfartalog yn 11%, yn is na'r cyfartaledd cenedlaethol o 14%.
Canran Gyfartalog o Ddysgwyr BAME
Gweler y rhestr lawn o ysgolion rydyn ni wedi gweithio gyda nhw
