Ynglŷn â The Politics Project

Mae The Politics Project yn sefydliad addysg ac ymgysylltu democrataidd amhleidiol sy'n gweithio i sicrhau bod gan bob person ifanc y wybodaeth, yr hyder a'r cyfle i ddefnyddio eu llais.

Wedi'i sefydlu yn 2015, rydym yn gweithio ledled y DU i ddarparu addysg ddemocrataidd o'r safon uchaf, wedi'i theilwra i anghenion gwahanol gymunedau a chyd-destunau. Rydym yn cefnogi athrawon, gweithwyr ieuenctid, gwleidyddion – ac yn bwysicaf oll, pobl ifanc – i ymgysylltu'n ystyrlon â gwleidyddiaeth a democratiaeth.

Rydym yn falch o gynnull y Democracy Classroom Network – cymuned genedlaethol o addysgwyr ac ymarferwyr sydd wedi ymrwymo i rymuso pobl ifanc i ddeall a chymryd rhan mewn democratiaeth.

Rydym yn arbenigo mewn cynnal sgyrsiau pwerus sy'n meithrin perthnasoedd, yn gwella dealltwriaeth, ac yn arwain at newid go iawn o fewn ein cymunedau.

Drwy ein rhaglenni, hyfforddiant ac adnoddau, rydym yn helpu i feithrin yr ymddiriedaeth, y sgiliau a'r ddealltwriaeth sydd eu hangen i gymryd rhan mewn democratiaeth. Wrth gefnogi athrawon i gyflwyno gwersi dinasyddiaeth, helpu gweithiwr ieuenctid i archwilio materion cyfoes, neu wrth baratoi gwleidydd i gwrdd â'i etholwyr ieuengaf, mae ein gwaith wedi'i gynllunio i rymuso pobl ifanc i deimlo eu bod yn cael eu clywed.

Mae ein ffordd o weithio yn gydweithredol, yn gynhwysol, a phob amser yn amhleidiol.

Weithiau mae hi'n teimlo fel pe bai pobl ifanc wedi rhoi’r gorau ar boeni am wleidyddiaeth a bod gwleidyddiaeth wedi rhoi’r gorau ar ofalu amdanyn nhw. Mae'r canran isel o bobl ifanc sy’n pleidleisio a'u diffyg ymgysylltiad ystyrlon gyda'r bobl sydd yn gwneud penderfyniadau drostynt wedi cyfrannu at ymdeimlad cynyddol o ddadrithiad a datgysylltiad.

Ond y gwir yw bod pobl ifanc yn poeni am y materion sy'n effeithio ar eu bywydau. Maen nhw'n malio'n fawr am y materion sy'n llunio eu bywydau. Yr hyn sydd yn aml ar goll yn aml yw'r cyfle, y wybodaeth, yr hyder, neu'r gefnogaeth i allu ymgysylltu â phrosesau gwleidyddol a phobl mewn pŵer.